Vors Carotius IX aan 't woord
Vors Carotius is ” ‘t boegbeeld ” van ‘t Groeët Gezelschap, hae is de ripprissentatieve leider van Vastelaovesgezelschap ‘de Wortelepin’. Vors Carotius is de persoeën dae jaorliks ‘ne Prins met Adjudante oetzuk, die ós veurgaon in de Vastelaovend van det jaor.
Op dit moment kint ‘de Wortelepin’ ziene 9e Vors Carotius in eur bestaon. Vors Carotius IX is d’n hier Eef Verhoeckx.
Eef is woeënachtig aan de Baoldersewaeg in Bliërick same met zien vruike Petra en eur twieë dochters Tessa en Nadine. Eef is binne ’t muzikale vereinigingslaeve ginne ónbekinde. Hae waas actief betrokke beej Fanfare de Echo en Blaoskapel Judaska. As dirigent van Judaska stond Eef al inkele jaore op de Wortelepinnebühn beej ós evenemente.
In ’t dageliks laeve is Eef werkzaam as accountmanager beej Mercuur Smart Logistics Venlo BV.
As Vors Carotius IX wilt Eef de naodrök legge um de verbinding te zeuke met Groeët Bliërickse gemeinschap.
Op 14 november 2025 is Eef officieel geïnstalleerd as Vors Carotius IX beej de Vorstewissel in ’t Raodhoes.
