Ós Evenemente 2021

Heejonder ein euverzich van alle evenemente die de Wortelepin organiseert in ‘t kommende Vastelaovesseizoen.

Donderdaag 11 November 2021 / Inschete Vastelaovend

Nao ’t muzikale liedjesgeweld op ‘t Liedjesmatinee steit tradisiegetrouw de officiële aaftrap van ’t nieje vastelaovesseizoen op ‘t programma.

Entree Gratis

Bliërick trap aaf

“t bestuur van Vastelaovesgezelschap de Wortelepin luut óg weite det zeej ‘t moeilike besloet hebbe genaome um Bliërick Trap Aaf dit jaor te laote vervalle. Gezeen de huidige umstandighede is ‘t neet realistisch um dit evenement door te laote gaon. We merke det de “corona” gevolge dusdanig impact hebbe op ós aktiviteite det doorgaon op dit moment organisatorisch en financieel neet verantwoord is.

Zaoterdaag 5 Fibberwari 2022 / Swaree

Swaree 2022 met as hoëgtepunt ’t oëtkomme van ’t nieje trio van Vastelaovesgezelschap “De Wortelepin”

Zaal aope vanaaf 19.15 oor

 

 

Zóndaag 6 Fibberwari 2022 / Zónnendaag

Daags nao ‘t Swaree, op zóndaag 6 Fibberwari 2022 is ‘t evenement: Zónnendaag in ‘t Raodhoes.

Zaoterdaag / KinderFemilieZitting 12 Fibberwarie 2022

Zaoterdaag 12 Fibberwarie 2022 wuurt de KinderFemilieZitting gehalde veur de jeug.

Zóndaag 13 Fibberwari 2022 / Dameszitting

Op zóndaag 13 Fibberwari 2022 vindt de Dameszitting plaats.

Zóndaag 13 Fibberwari 2022 / Hiërezitting

Ós Hierezitting is al jaore ein van de meis populaire Hierezittinge van Limburg. Op zóndaag 13 Fibberwari 2022 struimp de Wortelekoel weer vol met hiere in smoking.

Maondaag 14 Fibberwari 2022/ Seniorezitting

Op Maondaag 14 fibberwari 2022 organiseert de Wortelepin in samewerking met de SOB, ’n fantastische Seniorezitting in ‘t Raodhoes.

Zóndaag 20 Fibberwari 2022/ Prinsemis, Prinse- en Jeugreceptie

Op zóndaag 20 fibberwari  2022 begint ‘n Heilige Mis in de Heilige Antonius van Padua kerk, de “Prinsemis”. ‘n Biezóndere mis die opgeluusterd wuurt door onder andere Hermenie St. Caecilia. Aansloetend zal in ’t Raodhoes de Prinsereceptie en de receptie van ‘t Jeugduo waere gehalde.

Dinsdaag 22 Fibberwari 2022 / Groeët Gala Worteletruuj

Op dinsdaag 22 fibberwari vindt ’t Groeët Gala Worteletruuj plaats in ’T Raodhoes in Bliërick.

 

Donderdaag 24 Fibberwari 2022 / Truujendaag

Op de Truujendaag, dónderdaag 22 fibberwari, meuge de maedjes ‘de bleumkes ens flink boëte zette’. De vrouwluuj gaon op stap, zeej beginne met ’n suupke, wat kerboët of ’n bruuëdje in ein van de kroëge en trekke dan van kefeeke naor kefeeke.

Same zinge, same danse en same hosse. De mansluuj bliëve thoës of mótte blaoze in ’n joekskepel of werke achter de bar. Gezellig zó’ne Truujendaag.

Zóndaag 27 Fibberwari 2022 / Groeëten Optoch

Zóndaag 27 fibberwari zal d’r weer ‘n fantastische kleurieke Groeëten Optoch door de Bliërickse straote trekke. Haopelik staon d’r ónder ‘n heerlik zunke doëzende minse naeve de kant. Hónderden minse zien bezig um eur creaties in mekaar te zette, eur wages te bouwe en zich veur aan ‘t bereide um straks gezamelik daen bónte toemel te vorme. ’n Kiëkspektakel, waor Bliërick gruuëts op is!

Opstelling Groeëten Optoch

Maondaag 28 Fibberwari 2022/ Rouse in 't Raodhoes

Lekker Rouse in ‘t Raodhoes op Vastelaovesmaondaag 28 fibberwari.

Dinsdaag 1 Maart 2022 / Lempkesoptoch en Worteletruuj verbörre

Op Vastelaovesdinsdaag 1 maart trek in Bliërick de inmiddels regionaal bekind staonde Lempkesoptoch. Wae vurrig jaor langs de kant haet gestaon en dae kleurriëke, verleechte stoet door de straote haet zeen trekke, zal ouk dit jaor ’t spektakel neet wille misse.

Ten teike det de Bliërickse vastelaovend haos is aafgeloupe wuurt traditioneel op deze vastelaovesdinsdaag 25 fibberwarie Worteletruuj verbört.

Zaoterdaag 2 Oktober 2021 / Liedjesaovend

Liedjesaovend 2021, Vastelaovesgezelschap ‘de Wortelepin’

Liedjesaovend 2021: Finaliste bekint

13 september 2021 haet de vakjury ein keuze gemak welke 11 liedjes van de 27 doorgaon nao de oetintelijke finale. Alleriers dankt Vastelaovesgezelschap ‘de Wortelepin’ alle komponiste, tekstdichters en oetveurende artieste veur eur deilname, ouk al haet ’t meugelikerwies neet geleid toet de groeëte finale. Veur ós ziet en blief geej toppers en weej spraeke de haop oet ós truuk te zeen in 2022.

Zaoterdaagaovend 2 oktober is ’t zoeë wied en gaon 11 liedjes de strijd met mekaar aan. Live vanoet de studio van Umroop Venlo en zoewaal thoes as in de de theaterzaal van ’t Raodhoes te volge. Liedjesaovend 2021. In aanloup nao de groeëte finale halde weej óg op de huuegte van alle óntwikkelinge umtrent deze finale.

Finaliste Liedjesmatinee 2021:

  1. Joep Bindels, Paul van Steenkiste, Paul Klaassens en Jan Derijk (D’n hoëgen hood)

 

  1. Marina Claessen (dao genete weej van)

 

  1. Lonneke van Doorn, Annette Hermans, Ruud Geeraets en Wim Janssen (Noow kôm ik dich alweer heej taege)

 

  1. Marco Vaessen (Neemus zoe gek wie ik)

 

  1. Roy van den Broek en Evelyn Theunissen (Dich kieks mich bekind)

 

  1. Nico Meerts, René Hutjens, Resy Lucassen en Ruuth Lucassen (Blomebehang)

 

  1. Willy Billekens en Bart Janssen (Wao zien we gister gewaes)

 

  1. Julia Beurskens (Laot ze maar kiéke)

 

  1. Marion Pleunis, Jacqueline Derikx, Marlie Hanraths en Patricia Görtjes (Kom laot os nog ens zinge)

 

  1. Arno Arts, Evelyn Theunissen en Wouter de Wolf (Nog eine kier)

 

  1. Rob Mans, Marc Houwen, Marion Nissen en Sandra Schattenkerk (Ut allermeoiste stekske)

De Liedjesaovend 2021 is op zaoterdaag 2 oktober. Gezeen de veurasnog ondudelike situatie loupe weej neet te hard op de meziek veuroet, maar Vastelaovesgezelschap ‘de Wortelepin’ zal d’r veur zörge det de liedjes op ‘n waerdige wies waere geprissenteerd.

Liedjesreglement