Op zóndaag 15 fibberwari 2026 trek d’r ‘ne bónte stoet aan groepe en wages ónder ós motto “Good Gemuts” door de straote van Bliërick. Vanaaf dit jaor zien ouk alle Prinse en Adjudante van andere Vastelaovesvereiniginge in Groeët Venlo van herte welkom in ózzen Optoch. Laote weej d’r op deze Bliëricksen daag met ein van de moeëjste optochte oet de regio d’r met zien alle ’ne fantastischen daag van make.
Nao aafloup van d’n Optoch zien d’r in Bliërick nog tal van activiteite georganiseerd zoeëas Hellingtrekke beej Sur Meuse en ’n geweldig muzikaal programma beej Cafe Ut Midde.
Aanvang: 13.11 oor
Route:
Ruysstraot-Maasbreesestraot-Averbodestraot-Witherenstraot-Kloeësterstraot-Pontanusstraot
Weej zeen óg gaer truuk in d’n Optoch of naeve de kant!
Heej ónder kint geej d’n oetslaag downloaden van d’n Groeëten optoch 2026.
Heej ónder kint geej ‘n euverzicht downloaden met alle inschrievingen van 2026 met de optochnummers.
Door de Wortelepin is aan de bekinde Blierickse kunstemaeker Ruud Simons gevraog um eine symbolisch beeldje te ontwerpe as wisseltrofee veur de deilnemers aan de groeëten optoch, dae op vastelaoveszondaag door de Bliërickse straote trek. ’t Ontwerp van Ruud is in brons gegaote en zal veurzeen waere van eine rvs-voot.
Dit beeldje (wisseltrofee) zal op vastelaoveszondaag door ’t prinselik trio veur de iërste kiër in de historie van de Wortelepin oëtgereik gaon waere aan dae optochdeilnemer, dae van alle optochdeilnemers de meiste punte van de sjurie krieg (ongeach in welke kategorie). Oëtgeslaote heejvan zien de optochdeilnemers in de kategorie “boëte meidedinging”.