Vastelaovesdinsdaag wuurt aafgetrap met ’ne heerlike Vastelaovesbrunch in ’t Raodhoes. Nao d’n brunch gaon weej met ós Trio “de brök” euver um deil te neme aan de Boerebroelofs optoch. ’s Aoves gaon weej truuk nao Bliërick um de Vastelaovend op spektaculaire wieze aaf te sloete. Boerekleijage is verplich.
Op ’t plein zal op ludieke wieze ós Worteletruuj veroordeild en verbörd waere as teike det de Vastelaovend 2027 bijna aafgeloupe is. Bezeukers kinne genete van ’n fantastische veurwerkshow. Aansloetend aan ’t Truujverbörre zal in ’t Raodhoes de Vastelaovend waere aafgeslaote met ’n muzikaal programma.
Mier informasie euver ’t ontbijt en ’t loupe nao stad volg nog.