Vereiniging

Ónder dit item vindt geej informatie euver Vastelaovesgezelschap ‘de Wortelepin’, de ripprisentatieve persoeëne, wae zeej zien en wat ze doon.

Ózze Veurzitter, Gé Decker

D’n hier Gé Decker is veurzitter van Vastelaovesgezelschap ‘de Wortelepin’.

Gé Decker is al jaorelangk lid van de Wortelepin wao hae ondermier as lid en veurzitter van de Raod van Elf en binne de sponsorkemissie aktief is gewaes. Hae is ouk Adjudant en Prins gewaes.

Gé woent same met zien Dorien in Bliërick.

As veurzitter geit Gé aan de slaag um ’t Wortelepinne schip ’n stevige koers te laote vare waormei de vereiniging toekómsbestendiger wuurt.

Vors Carotius VIII

Vors Carotius is ” ’t boegbeeld ” van ’t Groeët Gezelschap, hae is de ripprissentatieve leider van Vastelaovesgezelschap ‘de Wortelepin’. Vors Carotius is de persoeën dae jaorliks ‘ne Prins met Adjudante oetzuk, die ós veurgaon in de Vastelaovend van det jaor. Op dit moment kint ‘de Wortelepin’ ziene 8e Vors Carotius in eur bestaon. Vors Carotius VIII is d’n hier Maurice Holthuijsen.

Maurice is gebaore en getaoge in Bliërick, hae is getrouwd met Marion en woeënt in Bliërick. Maurice is as productiemanager werkzaam beej Weir Minerals.

In ’t Vastelaoveswereldje is Maurice gen ónbekinde, veurhaer waas hae veurzitter van de Technische Kemissie en lid van de Organisatie Kemissie. Naeve Vors is Maurice nog veurzitter van de Optochkemissie en vice veurzitter van de Vastelaovesgezelschap ‘de Wortelepin’.

Sirremoniemeister

De Sirremoniemeister (ouk waal ens de “Man met de Ratel geneump) kóndig ’t Gezelschap aan en löp al ratelend veurop. Hae duit det beej idder optraeje van ’t Klein en Groeët Gezelschap. Daobeej coördineert hae alle aanvraoge en bezeuke. Hae stelt ’t programma veur ’t Klein en Groeët Gezelschap same en bewaak heejbeej d’n tied, zoeëdet alle optraejes gedaon kinne waere. Hae is ouk verantwoordelik veur de organisatie van de prinsemis en prinsereceptie. Same met de Opperstalmeister regelt hae ’t verveur van ’t Klein en Groeët Gezelschap en haet hae de verantwoordelikheid euver de dansmarietjes. De Sirremoniemeister is de protokolverantwoordelikke en bewaak de oetveuring heejvan.

De rol van Sirremoniemeister wuurt momenteel vervölt door d’n hier Ben Rayer. Ben is in ’t dageliks laeve opleidingscoördinator beej de Veiligheidsregio.

Ópperstalmeister

De Ópperstalmeister is de man dae zörg veur ’t verveur van ’t Klein Gezelschap, hae assisteert de andere leje van ’t Klein Gezelschap beej de oetveuring van eur take.

Beej prissentaties van ’t Groeët Gezelschap druueg de Ópperstalmeister ’t Vereinigingsvaandel.

De functie van Ópperstalmeister wuurt vertolkt door d’n hier Chris Orval.

Dansmarietjes

Dansmarietjes zien de einigste vrouwe die beej ’t gezelschap hure en zörge veur de kleurrieke oetstraoling beej ’t Klein en Groeët gezelschap.

Zeej óndersteune de Sirremoniemeister en de Opperstalmeister beej de rippresentatie van ’t Trio. Ouk helpe zeej ‘n hendje mei as de hoeëghede kedootjes weg gaeve of ’n hoesorde oetdeile of in óntvangs neme, dan is ’t hendig as de scepter efkes wuurt euvergenaome en de muts wuurt aafgenaome.

Meistal gaon d’r 2 dansmarietjes mei op paad en umdet de dames nog met eur studie bezig zien wuurt d’r regelmaotig gewisseld.

Vastelaovesgezelschap ‘de Wortelepin’ besteit  oet de volgende dansmerietjes, te weite:

  • Nienke Beurskens
  • Romy Coopmans
  • Rilana Deenen
  • Gwen Idink
  • Elisa Koch
  • Milou Ooms
  • Jennifer Wangge

Raod van Elf

De Raod van 11 is same met ’t Klein Gezelschap representatief veur ós Vastelaovesgezelschap.

Zeej óndersteune ’t Klein Gezelschap beej de groeëtere aktiviteite zoeëas o.a. receptiebezeuke en externe zittinge en natuurlik beej alle Wortelepin aktiviteite zoeëas o.a ’t Swaree, diverse zittinge en optochte.

Zeej hebbe binne Vastelaovesgezelschap ‘de Wortelepin’ gen oetveurende taak. Verschillende Raodsleje zien waal lid van andere kemissies en werkgroepe. Eur schertstitels hebbe dök iets met eur hobby’s of beroep te make.

De Raod haet mier as 11 leje, veur ’t geval det d’r emes krank is of mót werke. Netuurlik zien beej activiteite maar 11 optraejende Raodsleje aanwezig.

De Raod van Elf besteit oet de volgende leje:

  • D’n hier Cyriel Achten – Chevalier de Kloon Carotte
  • D’n hier Joost Caris – Markies van Plenbaas wies Kiepershaas
  • D’n hier Ted Cornelissen – Markies van Changeur toet Plongeur
  • D’n hier Jeroen Gerats – Berón Neetnek toet Lol en Plezeer
  • D’n hier Rob Imming – Jonkhiër van Thiëlaepelke toet Gaasfornuus
  • D’n hier Roel Leenen – Controleur van groëte bedraage, wies wied achter de komma
  • D’n hier Michael Ooms – Berón van Keuningspartie toet d’n Herberg
  • D’n hier Roy Peeters – Jonkhiër van ’t Saorbrook wies d’n Dom
  • D’n hier Ronald Saak – Markies St. Willebrord altiëd de letste
  • D’n hier Mark Saris – CommisSaris van Opleidingen toet Handbal
  • D’n hier Luc Schouwenberg – Jonkhiër van Beeraccijnzen wies Träöt
  • D’n hier Enrico Tacken – Markies van ’t Ubrook wies Place de la Marmelade
  • D’n hier Luuk Teeuwen – Jonkhiër van gemekkelik Steulke toet Hangtaofel
  • D’n hier John Timmermans – Graaf van Foto en Döbbelzout toet Döbbelfout