Speciaalbeer

Vastelaovesgezelschap “De Wortelepin” woort op 2 november 1947 opgerich, de naam “Wortelepin” druueg ’n biezónder stökske geschiedenis met zich mei. D’n oorspróng van de naam geit truuk nao d’n tied van de Spaanse euverheersing, mier dan veer ieëwe geleje voerde d’n hertog van Alva, Fernando Álvares de Toledo, d’n “Tieënde Penning” in, ’n belasting van 10% op veldvruchte die baove de grónd greujde. De slumme inwoeëners van Bliërick vónde ’n creatieve oplossing en ginge wortels verbouwe, die veural ónder de grónd greuje, Zoeë kóste zeej dees belasting umzeile. En zoeë óntstónd de naam “Wortelepin”.

Ter iere van ‘t 77 jäörig jubileum van de Vereiniging hebbe dreej lokale brouwerieje speciaal beer gebrouwe. Idder beer druueg ‘ne naam en indentiteit dae nauw verbónde is met de tradities van “De Wortelepin”.

• Vors Carotius Tripel (9,0% ABV):
  Dit goldblónde, krachtige beer is ’t symbool van de vereiniging. ’t Haet fruitige en krujige aroma’s en wuurt gebrouwe door de Bliërickse Brouw Compagnie.’t Beer bevat mout van de Belgische mouterij Dingemans en Ingelse caramelmoute met Duitse en Amerikaanse hoppe veur ‘ne frisse fruitige smaak.

• Blónde Truuj (6% ABV)
  “De Worteletruuj”is de beschermvrouw van d’n Bliërickse Vastelaovend. Sinds 1960 wuurt zeej idder jaor op Vastelaovesdinsdaag symbolisch verbört as aafsloeting van ’t Vastelaovesseizoen. Dit beer gebrouwe door brouwerie De Klep haet ’n robijnroeëje kleur en toeëne van caramel viege en reziene met ‘ne zaachte, zeute aafdrónk.

• Dreej Döbbele Viefklap (6,0% ABV)
  Dit dónker döbbel is ’n ierbetoeën aan de sirremonie wao in de Sirremoniemeister dit beer opdruueg aan de nieje Prins en zien Adjudante. Dit beer gebrouwe door Brouwerie Puuro haet ’n doordrinkbaar karakter en de smaak van caramel met fruitige accente.

Veur mier informatie euver eur rieke tradities en um ens te kieke wie de Vastelaovend in Bliërick gevierd wuurt kint geej op de pagina historie kieke. 

Pries:
per fles: € 3,75
per 3 flesse € 11,11
per 6 flesse € 22,22
per 24 flesse € 77,77