Groeët Gezelschap
’t Groeët Gezelschap van Vastelaovesgezelschap ‘de Wortelepin’ haet ’n representatieve functie en besteit oet ’t Trio, de Vors, de Sirremoniemeister, 2 Dansmarietjes, de Opperstalmeister en de Raod van 11, in totaal 19 persoeëne.
Gezamelik gaon zeej in ’t Vastelaovesseizoen zo’n 20 daag same op paad, o.a. beej Wortelepin aktiviteite in ós eige Wortelekoel (‘t Raodhoes), zoeëas ’t Swaree, Zónnendaag, KinderFemilliezitting, Prinsereceptie, Optochte en ’t aafsloete op dinsdaagaovend. Maar zeej gaon ouk beej andere vereiniginge op receptiebezeuk en bezeuke andere groeëte aktiviteite zoeëas ’t Galdere en Blariacum Baeregood. Ouk ós Bliërickse kefees waere tiedes ’t seizoen verschillende kiere bezóch.
Tiedes ’t Swaree en de Prinsereceptie zien zeej names de vereiniging gasthier en zörge zeej same met de euverige kemissies d’r veur det alles good verlöp en ós gaste zich welkom veule.
Vors Carotius VIII
Vors Carotius is ” ‘t boegbeeld ” van ‘t Groeët Gezelschap, hae is de ripprissentatieve leider van Vastelaovesgezelschap ‘de Wortelepin’. Vors Carotius is de persoeën dae jaorliks ‘ne Prins met Adjudante oetzuk, die ós veurgaon in de Vastelaovend van det jaor. Op dit moment kint ‘de Wortelepin’ ziene 8e Vors Carotius in eur bestaon. Vors Carotius VIII is d’n hier Maurice Holthuijsen.
Maurice is gebaore en getaoge in Bliërick, hae is getrouwd met Marion en woeënt in Bliërick. Maurice is as productiemanager werkzaam beej Weir Minerals.
In ‘t Vastelaoveswereldje is Maurice gen ónbekinde, veurhaer waas hae veurzitter van de Technische Kemissie en lid van de Organisatie Kemissie. Naeve Vors is Maurice nog veurzitter van de Optochkemissie en vice veurzitter van de Vastelaovesgezelschap ‘de Wortelepin’.
Sirremoniemeister
De Sirremoniemeister (ouk waal ens de “Man met de Ratel geneump) kóndig ’t Gezelschap aan en löp al ratelend veurop. Hae duit det beej idder optraeje van ’t Klein en Groeët Gezelschap. Daobeej coördineert hae alle aanvraoge en bezeuke. Hae stelt ’t programma veur ’t Klein en Groeët Gezelschap same en bewaak heejbeej d’n tied, zoeëdet alle optraejes gedaon kinne waere. Hae is ouk verantwoordelik veur de organisatie van de prinsemis en prinsereceptie. Same met de Opperstalmeister regelt hae ’t verveur van ’t Klein en Groeët Gezelschap en haet hae de verantwoordelikheid euver de dansmarietjes. De Sirremoniemeister is de protokolverantwoordelikke en bewaak de oetveuring heejvan.
D’n hier Rob Imming
Ópperstalmeister
De Ópperstalmeister is de man dae zörg veur ‘t verveur van ‘t Klein Gezelschap, hae assisteert de andere leje van ‘t Klein Gezelschap beej de oetveuring van eur take.
Beej prissentaties van ‘t Groeët Gezelschap druueg de Ópperstalmeister ‘t Vereinigingsvaandel.
De functie van Ópperstalmeister wuurt vertolkt door d’n hier Chris Orval.
Dansmarietjes
Dansmarietjes zien de einigste vrouwe die beej ’t gezelschap hure en zörge veur de kleurrieke oetstraoling beej ’t Klein en Groeët gezelschap.
Zeej óndersteune de Sirremoniemeister en de Opperstalmeister beej de rippresentatie van ’t Trio. Ouk helpe zeej ‘n hendje mei as de hoeëghede kedootjes weg gaeve of ’n hoesorde oetdeile of in óntvangs neme, dan is ’t hendig as de scepter efkes wuurt euvergenaome en de muts wuurt aafgenaome.
Meistal gaon d’r 2 dansmarietjes mei op paad en umdet de dames nog met eur studie bezig zien wuurt d’r regelmaotig gewisseld.
Vastelaovesgezelschap ‘de Wortelepin’ besteit oet de volgende dansmerietjes, te weite:
- Femke Nijssen
- Isa Imming
- Isa Saris
- Evi Saris
Raod van Elf
De Raod van 11 is same met ’t Klein Gezelschap representatief veur ós Vastelaovesgezelschap.
Zeej óndersteune ’t Klein Gezelschap beej de groeëtere aktiviteite zoeëas o.a. receptiebezeuke en externe zittinge en natuurlik beej alle Wortelepin aktiviteite zoeëas o.a ’t Swaree, diverse zittinge en optochte.
Zeej hebbe binne Vastelaovesgezelschap ‘de Wortelepin’ gen oetveurende taak. Verschillende Raodsleje zien waal lid van andere kemissies en werkgroepe. Eur schertstitels hebbe dök iets met eur hobby’s of beroep te make.
De Raod haet mier as 11 leje, veur ’t geval det d’r emes krank is of mót werke. Netuurlik zien beej activiteite maar 11 optraejende Raodsleje aanwezig.
De Raod van Elf besteit oet de volgende leje:
- D’n hier Ivo Fieten – Jonkhier van Teikentaofel toet Tapkraan
- D’n hier Rob Imming – Jonkhiër van Thiëlaepelke toet Gaasfornuus
- D’n hier Roel Leenen – Controleur van groëte bedraage, wies wied achter de komma
- D’n hier Kay Retera – Baron van ‘t Gashoes toet voetbal
- D’n hier Ronald Saak – Markies St. Willebrord altiëd de letste
- D’n hier Mark Saris – CommisSaris van Opleidingen toet Handbal
- D’n hier Luuk Teeuwen – Jonkhiër van gemekkelik Steulke toet Hangtaofel
- D’n hier Johan Vosbeek – Jonkhiër van vrachtwaage toet zieëcontainer
- D’n hier Dennis Hendriks – Kapitein van kou tot blauw wies goaltjesdeef
- D’n hier Joep Leenen – Lord platte knup toet aope misere
- D’n hier Kevin Herpers – Hertog van Majjem wies aan snel struimend beer
- D’n hier Erik Peeters – Markies van ‘t bourgondische leave van golfbelke tot hockeybal.