Het liedje is gezonge door Sharon Meelkop – Suiker, geschreve door Frank van den Broek. Muziek is van Mirthe van Dijk. In ein oetverkoch Raodhoes en door de Wortelepin gerealiseerde live-stream behaolde ‘t liedje de meiste punte van de 11 finaliste.
Vors Carotius VIII aan 't woord
Vors Carotius is ” ‘t boegbeeld ” van ‘t Groeët Gezelschap, hae is de ripprissentatieve leider van Vastelaovesgezelschap ‘de Wortelepin’. Vors Carotius is de persoeën dae jaorliks ‘ne Prins met Adjudante oetzuk, die ós veurgaon in de Vastelaovend van det jaor. Op dit moment kint ‘de Wortelepin’ ziene 8e Vors Carotius in eur bestaon. Vors Carotius VIII is d’n hier Maurice Holthuijsen.
Ós volgende evenemente
Waer Vrind van de Wortelepin!
In 2025 viert De Wortelepin ‘ne biezóndere mielpaol: ós 77-jäörig bestaon! D’n aaftrap van ós jubileumjaor vindt plaats op d’n 11e van d’n 11e. Dankzij de steun van ós Vrinde hebbe weej de aafgeloupe jaore vuuel moeëje activiteite kinne organisere.
Waorum zien ós Vrinde belangriek:
- Weej kinne vastelaovesactiviteite veur jónk en ald blieve organisere
- Heejmei blieve ós Vastelaovestradities en -cultuur in stand
As bliek van ós waardering krieg elke Vrind ‘n speciaal Vrindespeldje. Dit speldje symboliseert neet allein (financiële) steun, maar ouk de verbóndenheid met ós vereiniging en de Bliërickse Vastelaovend. Dao naeve wuurt de naam van de Vrind vermeld in de Wortelegaejer en op ós website.