Prins Jesse en Prinses Nikkie
Basisschool Natuurlijk
Prins Jesse
Jesse is 11 jaor en zit in groep 8 van basisschoeël Natuurlijk in Bliërick.
‘ne Spannenden tied, want hae volg noow al de Masterclass op Den Hulster en haop dao strakkes ouk ech nao schoeël te gaon.
Jesse is ‘n loestig ‘n bietje verlaege,maar ouk ‘n heerlik eigenwies jónk.Hae is altied vrintelik taege idderein en vindt gezelligheid hiel belangriek.Same lache en plezeer make, dan bleujt hae op. Hae is dan ouk in ‘t bezit van ‘n flinke dosis humor.
Thoes is Jesse de gruuetse,groeëten broor van zien zuskes Lynn en Liv en zien breurke Senn. Hae is dol op alle dreej en steit altied veur eur klaor. In ziene vrejen tied, vermak e zich prima. Hae kin ore game, teikent gaer kreatief,speult piano en laef zich vol energie oet in freerunnen.
Ouk de Vastelaovend zit beej Jesse in ‘t blood! Met ‘n mam en ‘nen bonuspap, die zinge tiedes de Vastelaovend, en ‘n bonusmam die ‘n echte Vastelaovesgek is, is ‘t fieës ‘m zeker neet vraemp. Jesse geniet volop van die gezellige,muzikale en loestige momente.
Kort gezag: Jesse is ‘ne leve, talentvolle jóng met ‘n groeët hert, vuuel interesses en ‘n moeëje toekóms veur zich.
Prinses Nikkie
Iddere middaag as Nikki oet schoeël kump, duit ’t geliek ziene jas oet en steit ’t al beej de deur. Boete
rup. Met d’n bal ónder d’n erm of zien vrinde um ‘m haer is ‘t dök te vinde op ’t schoeëlplein of ’t
voetbalveld. Nikki is 11 jaor en zit vol energie stilzitte pas gewoeën neet beej eur.
Voetbal speult ’n groeëte rol in zien laeve. Het rent vol euvergave achter d’n bal aan, vergit d’n tied
en haet baovenal vuuel plezeer. Maar Nikki velt neet allein op door zien fanatieke meneer van
speule, het let ouk altied op de andere, as d’r emes velt is het degene die as ierste d’n andere help
met opstaon. As emes ’t efkes neet zuut zitte, steit ’t klaor veur ’n präötje of gewoeën ‘ne glimlach.
Wat Nikki zoeë biezónder mak is wie mekkelik ’t met idderein umgeit. Jónk of ald nie of vertrouwd.
Het mak flot kontak en zörg d’r veur det idderein zich welkóm veult, zónder d’r zelf beej stil te staon
duit ’t kleine dinger die veur andere groeët veule.
Op ’t ind van d’n daag as ‘t muug en tevreje thoeskump zuus se aan ‘m det ’t volop haet genaote van
’t boete zien, van ’t bewaege en same speule. Met zien sportieve energie en zien groeëte zörgzame
hert mak ‘t idderen daag ‘n bietje moeëjer.
Vors Carotius Junioris
Same met Vors Carotius IX Eef Verhoeckx