Wat ein geweldig Vastelaoves seizoen!
Ónder ‘t motto “Good gemuts”, hebbe weej ós as Wortelepin good kinne profilere aan alle Vastelaoves vierders.
Met prins Sander I en zien Adjudante Paul en Joep hebbe weej laote zeen det Vastelaovend in Bliërick laef!
Wat ‘n geweldig Trio um mei te meuge beginne.
Maar netuurlik is dit neet meugelik zónder al ós leje, vreejwilligers maar ouk de bedrieve die as Golde Gaever um ós haer staon.
Same make weej de Vastelaovend en ik haop det weej det ouk wies in lingte van jaore same kinne blieve doon want ós Bliërick zal noeëts vergaon, zoeëlang de Wortel en de Pin bestaon.
As Vors Carotius IX heb ik ‘n geweldig ierste seizoen meuge meimake.
IK heb ech óntzettend genaote en ik heb gemerk det d’r good op mich gelet wuurt.
En det is good.
De kins neet alles in eine kier weite dus dank aan diegene die good op mich gelet hebbe en mich van raod hebbe veurzeen.
Det halde weej d’r in.
Want zoeeë blieve weej allemaol betrokke beej ózze Bliërickse Vastelaovend.
Ós nieje Motto is “Bliërick Verbindt”, en ik haop det dit motto ós allemaol genóg inspriratie guuef veur ós nieje seizoen.
Nogmaals ‘n groeët dankewaal aan idderein dae nao ós aktiviteite is gewaes en aan idderein dae aan dees aktiviteite haet meigewerk.
Blief gezónd en wies gouw.
Met vrintelike groet,
Eef Verhoeckx
Vors Carotius IX
