Prins Sander I en zien Adjudante Paul en Joep, ’t Bliericks Prinsetrio van ’t aafgeloupe Vastelaovesseizoen, hebbe tiedes eur regeerperiode ’t prachtige bedraag van € 6.333,33 beejeingebrach veur de Vastelaovend in Groeët Venlo.
Gedurende eur Prinselik jaor repe zeej de gemeinschap op um eur beejdrage te levere aan ’t behald en de toekóms van ós rieke Vastelaovescultuur. Aan dae oproop woort met groeëte betrókkeheid gehuur gegaeve.
’t Volledige bedraag is verdeild euver achtieën Vastelaovesinitiatieve in Blierick, Hout-Blierick, Venlo en Steyl. Met dees schinking wille Prins Sander I en zien Adjudante Paul en Joep ein blievende beejdrage levere aan tradities en vereiniginge die de Vastelaovend binne ós gemeinte laevend halde.
As Bliericks Vastelaovesgezelschap De Wortelepin zien weej biezónder verheug det ouk ós vereiniging ein beejdrage moch óntvange.
Weej spraeke dan ouk ós groeëte waardering oet veur dit prachtige initiatief en bedanke Prins Sander I en zien Adjudante Paul en Joep van herte veur eur gulle schinking en eur betrókkeheid beej de Blierickse Vastelaovend.
Ein prachtig gebaar veur ’n traditie die ós verbindt, van generatie op generatie.