Det alles doon weej ónder ós motto:

Plök d’n daag en geneet van ‘t laeve

Det is ós as Bliërickse Blaage met de paplaepel ingegaeve

Daorum hebbe weej vuuel joeks en jen mei gebrach

Ónder ós motto; Wae had det gedach!

Prins Leon I

Prins Leon is 56 jaor en getrouwd met Miranda Schutte. Saame hebbe zeej 3 kinder en woene ze in ’t centrum van Bliërick

Laevesloup

Prins Leon is 56 jaor en getrouwd met Miranda Schutte. Saame hebbe zeej 3 kinder en woene ze in ’t centrum van Bliërick. Prins Leon is werkzaam as inkuiper beej Helichem in Belfeld en Miranda runt sinds 2016 ziene eige bruudjeswinkel “’t Zuske” op de Kloesterstraot in Bliërick. Leon is genne onbekinde in de vastelaoveswaereld, zoë zong hae same met Bernie Billekens in 1999 al ut nummer “kom euver de brök, wat derde woort op ’t LVK. Hae presenteerde vastelaovend boëte beej kefee ’t Midde en zingk vanaaf 2022 beej Auk kwant. Leon is eine echte voetballer wat hae van thoës oët met de paplaepel haet meigekrege. En we kinne Leon natuurlik ouk as veurzitter en kertrekker van de “Bliërickse blaage”. Ein stel manne die dit jaor al weer veur de elfde kiër de Bliërickse versie van ’t Oktoberfest organisere.

Vastelaovend Same!

Adjudant John

John telt 57 lentes en woent same met Bernie Billekens en zien 2 zeuns in ’t centrum van Bliërick.

Laevesloup

John telt 57 lentes en woent same met Bernie Billekens en zien 2 zeuns in ’t centrum van Bliërick. In ’t dageliks laeve is John verkiersleider/sr ground controller beej Eindhoven airport.

John voetbalt al vanaaf zien achtste laevesjaor beej SVB en haet ’t zelfs tot ‘t Nederlands militair elftal geschöp. Ouk John is lid van de “Bliërickse blaage” en organiseert ’t jaorlikse Bliërickse Oktoberfest in 2024 veur de elfde kiër mei. John is eine vastelaovesvierder in hert en niere en eemus dae we al op vuül Wortelepin evenemente hebbe meuge ontvange.

Adjudant Roel

Adjudant Roel

Roel is 56 jaor, haet 2 kinder en is getrouwd met Kay Janssen. De aldste dochter haet eur elderlik nes al verlaote maar same met eure zoon woëne zeej in ’t centrum van Bliërick.

Laevesloup

Roel is 56 jaor, haet 2 kinder en is getrouwd met Kay Janssen. De aldste dochter haet eur elderlik nes al verlaote maar same met eure zoon woëne zeej in ’t centrum van Bliërick. Roel is opgegreujd as middelste van 3 voetballende breurs in ’t Vastenaovendkamp. Roel verdeent de kos as verkuiper binnedeens beej DSV in Sevenum (rendje Bliërick). Ouk Roel voetbalt al van kleins aaf aan, iërs beej Quick Boys in Venlo zuid en later ouk beej SVB. De plek wao hae Leon en John al taege kwaam en de vrindschap tösse eur is ontstaon. Roel viert de vastelaovend al van kleins aaf aan en is lid van de Bliërickse blaage en dus mede organisator van ’t jaorlikse Bliërickse Oktoberfest.

Golde Gaevers

Ós Golde Gaevers make ‘t meugelik det weej al ós aktiviteite en evenemente kinne organisere. Ózze dank geit oët naor de bedriëve die geej op deze pagina kint bekieke.

[slide-anything id=”1836″]