Liedjesaovend Zaoterdaag 5 Oktober 2024
Raodhoes Antoniusplein 2, BlerickDe 11 finaliste zölle op 5 oktober in ’t Raodhoes strieje um de wisseltrofee “de Giel”.
De 11 finaliste zölle op 5 oktober in ’t Raodhoes strieje um de wisseltrofee “de Giel”.
Vanaaf 20.11 oor zal ‘t ierste schot gelos waere. Daonao ‘n gezellig samenzien wao ouk de winnende liedjes van Bliërick waere gezónge.
Zet maar alvast in Ógge agenda, programma volgt nog.
Swaree 2025: ‘ne spetterende muzikale gala aovend De zaal geit aope um 19.00 oor. Vanaaf 19.30 oor. En langzaam gaon weej dan nao ’t hoeëgtepunt van d’n aovend: ’t oetrope van ’t nieje trio van Vastelaovesgezelschap De Wortelepin. Wae zal ’t waere?? Weit geej ’t al? Ein dink steit vas: zónne goje hebbe weej nog […]
Zónnendaag Daags nao ‘t Swaree, is d’r ‘n gezellige zitting in ’t Raodhoes. De ierste Zitting van ’t nieje Vastelaovessezoen.
Tiedens deze leuke middag veur de jeug wao ouk alle papa’s en mama’s en alle opa’s en oma’s van herte welkom zien zal ’t nieje jeugduo van Vastelaovesgezelschap “de Wortelepin” were oetgerope. Dit jaor is ’t thema Jungle / Safari en zal gehalde waere op zaoterdaag 27 jannewari 2024 in ós eige Jungle Raodhoes.
De middag veur alle dames oet Bliërick en umstreke. ’n Spetterend programma met dans, zang, parodie en buut. De dameszitting zal gehalde were beej Café Feestzaal Boostenhof.
‘ne Middaag met de ‘jónges onderein’ in de Wortelekoel, ‘t Raodhoes. De hierezitting van Vastelaovesgezelschap ‘de Wortelepin’ met op ’t programma onder andere zang, buut, parodie, dans is befaamd in en boete Wortelepinneriek, Bliërick.
Dees gezellige zitting veur idderein baove de 55 wuurt georganiseerd in samewerking met Stichting S.O.B. Venlo. De Seniorezitting veur Groeët Venlo en umstreke
Veuraafgaond aan de Prinsereceptie zal um 10.00 oor in de Heilige Antonius van Padua een Heilige Mis waere opgedrage. De “Prinsemis” wuurt muzikaal opgeluusterd door Hermenie St.Ceacilia en ’t koeër.