Mark Denessen volg kómmend seizoen Rob Imming op as nieje Sirremoniemeister van Vastelaovesgezelschap “ De Wortelepin”.
Mark is in de Bliërickse Vastelaovend gen ónbekind gezich. Al jaore löp hae met “ D’n Ellefde Man” mei in d’n Bliërickse en Venlose optoch. Sinds ‘n aantal jaor is Mark binne “De Wortelepin”, lid van de Raod van Elf en help hae mei met de organisatie van verschillende evenemente.
Officieel wuurt Mark Denessen tiedes de vereinigingsaovend van “De Wortelepin” geïnstalleerd.
Daonao zal hae vanaaf d’n elfde van d’n elfde, zien opwachting make as de nieje Sirremoniemeister en same met Vors Carotius, ‘t nieje Trio veurbereide op de Bliërickse Vastelaovend.
‘t Echte Vastelaovesblood haet e meigekrege van zienen opa, Sjaak Aerdts, ald Prins van VG “De Wortelepin”, waonao dae nog jaorelang deil oetmakde van de begeleidingskemissie.
Door Mark kump d’r ‘n twieëde generatie, die deil zal oetmake van de begeleidingskemissie binne VG “De Wortelepin”
