Sanne zit op de Titus Brandsma schoël in groep 7\8 beej juf Marlou.

 

As hobby haet ut handbal net zoals vuuel andere van de femilie, ouk duit ut gaer nog aan scouting.

 

In zien vreeje tied mak ut gaer ermbendjes en de make-up begint ut noow ouk leuk te vinde. Op zien kamer wuurt dan ouk menig naegelke gelak. Heej haet ut oeits ein versje euver veurgelaeze beej Veldeke (welke mot ik noow keeze (welke nagellak))

 

Sanne aet gaer lasagna en frietjes, eine diepvries pizza vind ut ouk lekker, maar neet dae van de Domino’s.

 

 

Vastelaovend viert Sanne al van kleins af aan. Ut loog in de kinderwage wie ut de ierste kier meijging en haet in de optoch ech liere laupe. Vastelaovend viere zit um dus in ut blood.

 

 

In 2018 waas ziene pap en zien broor (Gijs) tegeliekertied adjudant beej zowel de Wortelepin as beej SVB. Twiej jaor later waas zien andere broor (Bas) adjudant op de Titus. Ut zoog wie tof en gezellig daeze tied belaef woort, vandaar det ut zich zelf opgoof in 2023 um in de Raod van 11 te meuge zitte van Jeuggezelschap De Wortelepin (zoe hat ut tenminste 2 jaor de kans um oetgekaoze te waere, ut zoot per slot van raekening pas in groep 7). Vuuel leuke en gezellige momenten woorte belaef. Sanne goof aan det ut ut soms jammer vond det ut beej ut groete gezelschap hoort, waordoor ze neet euveral beej ware. Gaer zoel ut ouk alles meij wille make met ut kleine gezelschap. Noow wuurt um die kans gebaoje en geit ut der hielemaol veur.