💚💛 Ik bin eine Wortelepin 💚💛
Vastelaovend organiseers se neet allein.
Achter de scherme wuurt ’t ganse jaor door vreejwilligers keihard gewerk, gesjouwd geregeld, gelache en gebouwd aan ós moeëje fieës. 💪💚💛
En umdet weej hiel gruuets zien op ós vreejwilligers, zette weej ze deze zomer in ’t zunke! 🌞
Dees waek stelle weej óg veur aan: Luc Schouwenberg
Lid van welke kemissie?
Ik bin lid van de P&M kemissie binne de Wortelepin.
Wievuuel jaor actief binne de vereiniging?
Ik bin vanaaf 2017 actief betrokke beej de Wortelepin.
Wat duis se precies in de kemissie?
Ik bin veurnamelik bezig met de social media van de vereiniging.
Wat is dien moeëjste Vastelaovesmoment?
Det zien d’r mierdere. Jaore lang meziek gemak beej Joekskepel Neet Um Aan Te Huure as trompetis. Ein van de hoeëgte punte waas det ik in 2009 Groeët Venloosche Nar bin gewaes beej GVVG De 3kes. In 2023 bin ik in ‘t jaor van Prins Ben II Sirremoniemeister gewaes wat ‘n prachtige ervaring waas. Meziek make tiedes de Vastelaovend, viere met mien vrinde en noow de paplaepel doorgaeve aan mien 3 jónges beschouw ik as hoeëgte punt.
Waovan kins dich genete?
Vruger as kind genoot ik as ‘t groeët gezelschap de Staay binne kwaam ónder de klanke van de Wortel en de Pin. Heej krieg ik nog altied kiepevel van.
Waorum duis se vreejwilligerswerk? En waorum beej de Wortelepin?
Ik draag de Vastelaovend en baovenal de Bliërickse Vastelaovend ‘n werm hert toe. Dao draag ik gaer mien steinke aan beej.
De Vastelaovend in Bliërick meug en zal noeëts verlaore gaon.
En De Wortelepin is ‘n kwante club waobeej joeks en plezeer centraal staon.