‘ne Groep echte Bliërickse Vastelaovesvierders en meziekliefhebbers haet de aafgeloupen tied keihard gewerk um ós Vastelaovesliedje te digitalisere. En met succes!
‘t Allerierste liedje kump oet 1961 en het “Hadde weej maar wat”, gezónge door Lei Hermans. De ierste veer liedjes zien noow al te beluustere, zeen onderstaonde link.
De kómmende tied volge d’r nog vuuel mier, zoeëdet straks de complete rieke meziekhistorie van de Bliërickse Vastelaovend online te hure is.
Hölp gevraog!
Van ‘t nummer “Ónvergaetelik” (1961) hebbe weej helaas gen vinylplaat of andere geluudsdrager kinne vinde. Waal beschikke weej euver ’t blaadmeziek oet ’t archief van de hermenie. Leet d’r beej emes meschiens nog ’n originele plaat op zölder? Laot ‘t weite via sikkertaris@wortelepin.nl.
Groeëten dank aan Leo Maas, Petro Janssen, Mark Janssen en Erwin Koster veur ‘t enorme werk det zeej hebbe verzatte. Dankzij eur blief d’n Bliërickse Vastelaovend ouk in de toekóms huurbaar veur jónk en ald!
