’t Groeët Gala Worteletruuj vind plaats in de vorm van een galadiner in ’t Raodhoes.
Hoeëgtepunt van d’n aovend is de oetreiking van de Worteletruuj aan ‘ne lokale
persoeën of ’n organisatie. Deze speciale aovend met ‘n gangediner en tössedoor
intermezzo’s is al mier dan ’n decennia ’n begrip beej ós sponsore en leje. Tiedens ’t
gala diner zal de hoeëge Bliërickse Vastelaovesonderscheiding “de Worteletruuj”
waere toegekind aan ‘ne laureaat.
De hoeëge Bliërickse Vastelaovesónderscheiding ‘de Worteletruuj’ wuurt in 2026
toegekind aan Bas Vissers oet Bliërick. Det haet de ónaafhankelike jury van de
Worteletruuj beslaote.
De Worteletruuj; wuurt idder jaor toegekind aan persoeëne, vereiniginge, stichtinge of
instellinge die zich verdeenstelik hebbe gemak op lokaal/regionaal gebied. De
oetreiking is óntstaon op initiatief van ’t veurmalig Fonds Sociale Aktiviteite en wuurt
heden ten dage veurtgezatte door Vastelaovesgezelschap ‘de Wortelepin’.
Dialek is ónlosmakelik verbónde met de Vastelaovend. Dink allein aan alle liedjes die
weej gezamenlik meizinge. Zónder dialek gen liedjes en zónder liedjes genne
Vastelaovend.Allein al daorum is ‘t zoeë belangriek det ós cultureel erfgood (ós dialek)
behalde blief.
Bas is ‘ne veurvechter van ‘t dialek en zoeëdoende ouk ‘ne zier belangrieke schakel in
dit gehiel. Bas Vissers is bestuurslid van Veldeke Limburg en zet zich op verschillende
menere in veur ‘t behald van ós Limburgs dialek zoeëas ouk zien mier dan
gewaardeerde beejdrage aan ózze Wortelegaejer.
