Maondaagaovend 26 oktoëber tiedes ós Algemeine Leje vergadering woort door de vereiniging aafscheid genaome van ’n twieëtal bestuursleje. Roel Leenen en Kevin Herpers zien gestop as bestuurslid van Bliëricks Vastelaovesgezelschap De Wortelepin. Beide blieve waal aktief binne de vereiniging.
Roel haet ’t aafgeloupe jaor de rol van 1e penningmeister ad interem op zich genaome. Roel wuurt opgevolg door Nick Ingenpasz.
Kevin waas inkele jaore veurzitter van de Technische Kemissie en wuurt opgevolg door Joep Leenen.
Michael Ooms druueg ’t stökske van veurzitter van ós Jeugkemissie euver aan Heidy Jacobs. Michael geit zich vanaaf noow bezig halde met ós sponsorkemissie as veurzitter.
