Weej zien gruuets um te kinne vermelde det weej ‘ne nieje Vors Carotius Juniores en Sirremoniemeister veur ós Jeuggezelschap hebbe!
Pim ( 12 jaor ) haet iers in de Raod gezaete um vervolges zich kandidaat te stelle as Vors Carotius Juniores. Nao ein audisie wao hae toch waal zenuwachtig veur waas. Is hae gekaoze as de nieje Vors Carotius Juniores.
Job ( 13 jaor ) is ós langszittende Raodslid en haet veurig jaor beej Jarno ( Ald Jeugsirremoniemiester ) meigeloupe. Hae woel zoeë gaer Sirremoniemeister waere det weej um iers Chef du Paraplu hebbe gemak.
Weej winse eur allebei vuuel succes en baovenal vuuel plezeer met dees rol binne ‘t Jeuggezelschap van ‘’de Wortelepin’’.
