’t Liedje “Blief nog efkes heej” is winnaer gewaore van de Liedjesaovend van de Wortelepin. ’t Liedje is gezónge door Marina Claessen en Willy Billekens en geschreve door Peter Jansen en Hans Steinhage. De meziek is van Hay Geritz.
In ein oetverkoch Raodhoes, en met ein door De Wortelepin gerealiseerde livestream, behaolde ’t liedje de meiste punte van de 11 finaliste. De punte woorte toegekint door ’n vakjury, joeksjury en publieksjury.
Met dit resultaat zien zeej ouk de winnaer van de Giel. Deze wisseltrofee woort oetgereik door Vors Carotius de 9e, dhr. Eef Verhoeckx, en is ein ierbetoeën aan de voormalige Vors, liedjesschriever en zanger Giel Geurts.
De 2e plaats is veur Teun Paulussen en Steve Spengler met “Waat doon die dao”. Dit nummer is geschreve door Peter Jansen en Wim Janssen, met meziek van Hay Geritz.
Op de 3e plaats zien Roy van den Broek, Rene Driessen, Marco van Huenen en Jeffrey Houba geëindig met “Alles kump toch good”. Dit nummer is geschreve door Ingrid Janssen en Henny Burkhart. De meziek is van Ingrid Janssen.
4e is Stan Dekkers gewaore met “Vogelvreej”. Dit nummer is geschreve door Stan Dekkers en Mirthe van Dijk. De meziek is ouk van Mirthe van Dijk.
De 4 winnende liedjes zulle in oktoëber in de Marlstone Studio waere opgenaome onder ’t motto “Bliërick verbindt”. Deze zien vanaaf 11 november officiëel te beluustere via Spotify en te downloade via de website van De Wortelepin.
De ierste live oetveuring zal tiedes d’n Elfde van d’n Elfde zien beej ós vrinde van D’n Duikelaer op d’n Horsterwaeg beej Bonjoere. Maak ’t live mei en bin d’r beej!
De Liedjesaovend is zóndaag 4 oktober um 17:30 truuk te kieke op Omroep Venlo. Wilt geej ’t op ein ander moment truuk kieke of gewoën now? Klik heej.
Bekiek alle foto’s: Klik heej
