De spanning stijg al langsaam, richting de jaorlikse Liedjesaovend van Vastelaovesgezelschap De Wortelepin. Op zaoterdag 26 september bars de muzikale stried los, wannier maar leefs 11 artieste ’t podium betreje in de stried um ’n plek beej de ierste 4 en ‘ne vlegende start van ’t nieje Vastelaovesseizoen.
Dit jaor krieg dezen aovend ’n extra biezónder karakter dankzij de begeleiding van Bigband Beats&Boogies . Dees gerenommeerde bigband zörg d’r veur det alle deilnemende artieste live waere óndersteund met volle arrangemente, krachtige blaozers en ’n energieke ritmesectie. Dao mei krieg idder liedje ’n unieke sfeer en wuurt de Liedjesaovend mier dan allein ‘ne wedstried: ’t wuurt ’n complete muzikale belaeving.
De combinatie van Vastelaovesmeziek en ’n live bigband zörg veur extra dynamiek op ’t podium. Van fieëstelike meizingers wies meisleipende ballads.
Veur ’t publiek beteikent dit ‘ne aovend vol sfeer, verrassing en muzikaal spektakel.
Artieste die wille deilneme aan de Liedjesaovend kinne eur liedje insteure wies 𝐯𝐫𝐢𝐞𝐝𝐚𝐚𝐠 𝟏 𝐚𝐮𝐠𝐮𝐬𝐭𝐮𝐬. Daonao volg de veurselectie op 𝐦𝐚𝐨𝐧𝐝𝐚𝐠 𝟑𝟏 𝐚𝐮𝐠𝐮𝐬𝐭𝐮𝐬, wao wuurt bepaold welke inzendinge oetintelik ’n plek kriege op ’t podium tiedes de groeëte finalaovend op 𝟐𝟔 𝐬𝐞𝐩𝐭𝐞𝐦𝐛𝐞𝐫.
Meidoon is nog meugelik, klik heej veur mier informatie. Heejonder ein fragment van Omroep Venlo euver de nieje oetvoering van de Liedjesaovend.
