💚💛 Ik bin eine Wortelepin 💚💛
Vastelaovend organiseers se neet allein.
Achter de scherme wuurt ’t ganse jaor door vreejwilligers keihard gewerk, gesjouwd geregeld, gelache en gebouwd aan ós moeëje fieës. 💪💚💛
En umdet weej hiel gruuets zien op ós vreejwilligers, zette weej ze deze zomer in ’t zunke! 🌞
Dees waek stelle weej óg veur aan: Karin Tacken
Lid van welke kemissie?
Sponsorkemissie
Wievuuel jaor actief binne de vereiniging?
(Volges mich) 2 jaor
Wat duis se precies in de kemissie?
Binne de sponsorkemissie halde weej contac met bestaonde en legge weej contac met nieje óndernemers, bedinke weej verschillende ideje/concepte um sponsorgelde binne te haole, organisere weej sponsorbeejeinkómste met ‘n leuk thema of leuke activiteit, halde weej contac met andere kemissies binne de vereiniging en hebbe weej aandach veur speciale gelegenhede beej sponsore (dink aan jubilea).
Wat is dien moeëjste Vastelaovesmoment?
9 fibberwari 1969 (Vastelaoveszóndaag in 1969), toen bin ik gebaore
Waovan kins dich genete?
De Vastelaoveszaoterdaag in Theikes kroeg in Hout-Bliërick. Dao kump ‘t groeët gezelschap van de Wortelpin kieke nao d’n optoch in Hout- Bliërick veur Theikes (Theo Brans) kroeg. Nao aafloup wuurt d’r nog lang geëvalueerd in dees kleine gezellige kroeg.
Waorum duis se vreejwilligerswerk? En waorum beej de Wortelepin?
Ik bin fan van de Vastelaovend en vind ‘t fijn um te helpe dees moeëje traditie ouk richting de toekóms te laote bestaon. Dao naeve liers se ouk weer hiel vuuel nieje leuke minse kinne.
En waorum beej de Wortelepin: Miene man Enrico zit al hiel lang beej de Wortelepin. Dus ik kin de vereiniging al wat langer. Gé Decker haet mich benaderd um beej de sponsorkemissie te kómme. Nao ‘n paar kier beej ‘n vergadering van de sponsorkemissie te zien gewaes heb ik jao gezag.