Leuk veur jóng en ald! 

Daags nao ‘t Swaree op zóndaag 2 fibberwarie is ’t evenement “Zónnendaag” in ‘t Raodhoes.  ’T programma begint um 14.00 oor en deurt tot 17.00 oor.

Zónnendaag is de letste jaore in schwung gerak en ouk dit jaor steit d’r weer ‘n top programma en deze middaag is weer in samewerking met de Zonnebloem georganiseerd.

Veur óg zulle ónder andere optraeje de dansgroep Grosse Garde Kaldenkirchen met eine gardedans, Helga Cornelissen met de buut Tanja Truckie, Auk Kwant met diverse vastelovendnummers,  de Zangkompenie en de middag wuurt aafgeslaote door ’t alum bekinde duo Thei & Marij.

Netuurlik waere ouk de Bliërickse nummers gezónge en zörg de Bliërickse Hofkepel ónder leiding van Erik Munten veur de muzikale umliesting.  

Ouk kint geej ózzen niejen Hoëgheid en zien Adjudante óntmoete.   

Kaarte veur Zónnendaag kóste € 5,-. en zien verkriegbaar beej Peters -Cabooter Mannenmode en via www.wortelepin.nl 

Tip – Doot pap en mam ens ‘n kaertje kedoo!