Henk van Lunenburg

Met ónsteltenis hebbe weej kinnisgenaome van ’t euverlieje van d’n hier

Henk van Lunenburg

Henk waas mier dan 25 jaor lid van Vastelaovesgezelschap ‘de Wortelepin’. Hae is jaorelank bestuurslid gewaes, daonaeve haet hae ’n groeët aandeil gehad in de vorming van de jeugvastelaovend in Bliërick en Henk is lid gewaes van de Raod van Elf.

Maar baovenal verluus de vastelaovend in Henk ‘n kundig man dae ós beleidsmatig met vuuël gooje en pragmatische advieze haet geholpe. Ouk de andere biezóndere gave van Henk, kreativiteit, gaon weej misse, Henk verstónd de kuns um beejveurbeeld Prinsewages te óntwerpe en te vorme.

Weej verlere in um vuuël te vruùg eine bezóndere mins, maar weej zien dankbaar veur alles wat hae ós gegaeve en veur ós beteikent haet..

Weej winse Luciënne en femilie vuuël sterkte um dit groeëte verlees te verwerke!

Bestuur en leje
Vastelaovesgezelschap ‘de Wortelepin’