Vastelaovesgezelschap ‘de Wortelepin’ is ‘n vereiniging die idder jaor de Vastelaovend in Bliërick neerzet. De vereniging haet momenteel ca 100 leje, waovan zo’n 60 aktieve.

De letszittende veurzitter is in september gestop en daorom is de vereiniging op zeuk nao ‘ne nieje veurzitter veur ‘n zittingstermien van 3 jaor. ‘t Betref ’n onbezoldigde functie.

De rol van veurzitter

Dich maks as veurzitter deil oet van ’t bestuur bestaonde oet 9 persoeëne. Naeve dien specifieke take die in ‘t functieprofiel zien opgenaome, bisse as veurzitter verantwaordelik veur ‘t beleid, de oetvoering daovan, maar ouk bevoegd um heejvan aaf te wieke. Vaerder is dien belangriekste taak ‘t besture van de vereiniging. As veurzitter zörg se veur al datgeen, same met ‘t bestuur, wat noeëdzakelik is um de vereiniging intern en extern good te laote funktionere. Uiteraard hebse heej in ouk ‘n beslissende stum.

Ós vereiniging zuk ‘n betrokke veurzitter, dich guuefs same met de andere bestuursleje, aktieve leje en vreejwilligers, vaerder vorm aan de ambities en de toekóms van ós vereiniging.

De veurzittersfunctie umvat ‘n dreejtal houfónderdeile;

Zoeëas heejbaove aangegaeve is de houftaak ‘t besture van ós vereiniging. Dich geis vergaderinge leide, maar geis ouk kieke nao de effektiviteit en efficiëntie van ós vereiniging. Belangriek heejbeej is dien motiverende funktie en uiteraard de wieze waorop des dich de rol as veurzitter invuls.

‘n Twieëde houftaak umvat ‘t enthousiasmere en betrekke van (seniore en jeug) leje in de óntwikkeling van ós vereiniging, uiteraard um ós vereiniging ‘n toekóms te biede. En as letste de belangrieke taak om ós kontakte te ónderhalde met externe partners en zustervereinigingen.

Benuuedigde kwalificaties

– Dich hebs hert veur ós vereiniging

– Vastelaovend zit in dien blood, maar dich hoofs genne Vastelaoves-gek te zien

– Dich hebs ‘n aope persuunlikheid en bis mekkelik benaderbaar voor de leje

– Dich hebs affiniteit met besture en management zoeëdesse in complexe situaties

  richting kins gaeve en optraeje dao waor nuuedig is

– Uiteraard beschikse euver de basiskwaliteite van ‘n veurzitter zoeëas natuurlik

  leiderschap, kommunicatieve vaardigheden en ‘t vermeuge um minse en groepe met   

  verschillende visies te (ver)binde.

Sprik baovestaonde funktie dich aan, steur dan óg reactie nao Kristel Janssen, sikkertaris van Vastelaovesgezelschap de Wortelepin via ‘t emailadres sikkertaris@wortelepin.nl

Heb geej nog vraoge, neem dan kontak op met Mat Lamberigts, ad interim veurzitter van Vastelaovesgezelschap de Wortelepin op tillefoonnummer 06-20093738.

Functieprofiel Veurzitter Vastelaovesgezelschap ‘de Wortelepin’

De veurzitter van Vastelaovesgezelschap ‘de Wortelepin’;

• haet de algemeine leiding van de vereiniging en is eindverantwoordelik

• guuef same met ‘t bestuur leiding aan ‘t proces van visie- en beleidsbepaling veur de toekóms en bewaak ‘t langere termien beleid, de cultuur van de vereiniging met inachneming van de statute, ‘t hoeshaldelik reglement en de besloete van de Algemeine Lejevergadering

• guuef leiding aan de vergaderinge van ‘t (dageliks) bestuur as ouk de Algemeine Lejevergadering en haet wao nuuedig euverleg met de kemissies

• zet zich in veur ‘n stevige vreejwilligersorganisatie en goje taak- en verantwoordelikheidsverdeiling.

• stimuleert en bewaak de oetvoering van gedelegeerde take en motiveert en enthousiasmeert leje en vreejwilligers binne de vereiniging

• is aanwezig beej evenemente (Swaree, Gala, 5-vereinigingstreffe, bezeuk Laureaten etc) en wet wat d’r laef binne de vereiniging 

• is, same met ‘t dageliks bestuur (sikkertaris en penningmeister) verantwoordelik veur ‘t financieel beleid (wao ónder begruuting en jaorrekening) en vertaegenwoordig de vereiniging in rechte

• tuunt veurbaeldgedraag en haet aandach veur alle betrókkene beej de vereiniging (wao nuuedig ‘n kompliment)