Facebook

Ózzen Hoëgheid haet ’t laevenslich in Serum meuge aanschouwe op 24 april 1969 en is alzoë 47 jaor. Daor haet hae as klein menke en enigs kind ’n fijne jeug gehad. Naeve de normale dinge wie schoël, woort ’n groët deil van de dagen gevöld met voetballe met zien vriendjes.
RobWie Rob tiën jaor waas verhoësde ’t gezin naor Bliërick, naor de Averbodestraot waor moder Imming noow nog steeds woënt. Ouk in Bliërick speulde ’t voetballe ein van de belangriëkste tiëdsbestedinge, maar noow beej SVB, de klup waor hae haos 40 jaor lid is.
Prins Rob kint ’n erg sociaal laeve en waas vruger beej Jeugbewaeging Hubertus, waor hae ziene Adjudant John lierde kinne. Adjudant Dimitri voetbalde ouk beej SVB en daornaeve ware vader Imming en vader Peeters ouk vrinde van mekaar.

Geert Immng, Rob’s vader begos in 1983 ‘n bedrief in horecabenodigdhede en groëtkeukeapparatuur. Rob wis in daen tiëd neet waat hae veur de kós woel gaon doon en daorum woort beslaote det Rob beej zien vader in de zaak aan de slaag ging. Rob’s vader haet um ’n moej vak gelierd en Rob begos d’r steeds mier plezeer in te kriege. Inmiddels werkt hae al 30 jaor in ’t bedrief.

Ein jaor of 25 geleje kwaam Rob Stella taege en inmiddels zien zeej ruum 12,5 jaor getrouwd en hebbe Rob en Stella twië prachtige en leeve dochters: de 11 jaorige Kristi, en 9 jaorige Isa. De beide dochters zitte op de Titus Brandsma schoël, waor Hoëgheid Rob vruger ouk nog naor schoël is gewaes.
De Vastelaovend is um met de paplaepel ingegaeve. Vader Geert is in 1995 Adjudant van “de Wortelepin” gewaes. Rob löp zelf al ruum dertig jaor met dae moeje Bliërickse optoch mei en de letste 14 jaor loupe zeej met ’t ganse gezin met vrindegroep “de Waazelvotte” mei. Dit is ’n groep van ongevier 45 persoëne, waorvan miër as de helf kinder zien.

Twië kier in de maond rikke Prins Rob, Adjudant Dimitri en nog dreej andere  vrinde. Dit kaertklupke geit ens in de twie jaor ein wiekendje weg naor ’n groëte stad in Europa um naeve de gezelligheid ’n voetbalwedstried te kieke. Glasgow, Valencia, Dublin, Keulen, Barcelona en Liverpool zien al van ’t lieske geschrap.
Rob en Dimitri hebbe de veterane van SVB ouk weer aan ‘t voetballe gekraege. Dit is weer ’n gezonde klup gewaore met de letste dreej jaore regelmaotig weer nieje leje.

Prins Rob organiseert ’n aantal jaore same met vrinde ’t Bliëricks Oktoberfest beej Royal Irene.
Met ’n andere vrindegroep dae ’n jaor of 30 geleje ontstaon is via de Jeugbewaeging Hubertus en Zaal Voetbal Vereiniging Pepijn/Boompje hebbe zeej nog idder jaor ’n fietstoch en ’n wiekendje weg. Rob's beide Adjudante zien dan ouk van de partiej.

De dohters Kristi en Isa zien allebei aktief beej hockeyclub Blierick (HCB) en daorum haet Prins Rob heej ouk 4 jaor gecoacht. Netuurlik kwaam zien 15 jaorige trainings ervaring aan voetballers good van pas.
En netuurlik meug Vastelaovesgezelschap ‘de Wortelepin’neet óntbraeke in deze opsomming. Hoëgheid Rob is 13 jaor lid van de Raod van 11 en duit det nog steeds met vuuël plezeer.
 
“De vuuële gezellige klupkes en vereiniginge die Bliërick bezit, bewieze ’t…” aldus Prins Rob:
“Heej is 't te doon!

 

Naor

 

Golde Gaevers

  • sanders_en_grubben.gif
  • VdBrandtStraten.gif
  • Boostenhof.gif
  • luwi.gif
  • KSC.gif
  • Zuidlease.gif
  • Hovens-Collin.gif
  • WPG.gif
  • seacon.gif
  • Admie.gif
  • aded.gif
  • cafe_de_paerdskoel.gif
  • Blierickse_Krant.gif
  • Viewman.gif
  • Kiesmondzorg.gif
  • WTD.gif
  • Raodhoes.gif
  • Keiren.gif
  • Covebo.gif
  • peters_cabooter.gif
  • NOLEMON.gif
  • Niejjork.gif
  • et_emergo.gif
  • ASLB.gif
  • Collin.gif
  • scelta.gif
  • Geba_Trans.gif
  • contour.gif
  • Interzuid2010.gif
  • petattewiel1.gif
  • berghs_en_steenhuis.gif
  • Barbecue.gif
  • Lebe.gif
  • Wilms.gif
  • arton.gif
  • van_enckevort.gif
  • dsv.gif
  • drukkerij_knoops.gif
  • Fred_van_Wylick.gif
  • Maashof.gif
  • tandartsp_dooper.gif
  • Lindeboom.gif
  • Plus_Benders.gif
  • Translog.gif
  • energa.gif
  • JADI.gif
  • Agrotechnics.gif
  • Berden_stijl_van_leven.gif
  • Thijssen&Gubbels.gif
  • schuivens.gif
  • Vostermans.gif
  • Wijnen.gif
  • Libelnet.jpg
  • Dynamic.gif
  • Kaneman.gif
  • coenen.gif
  • Steeghs.gif
  • FMTyres.gif
  • SchadeBlerick.gif
  • Poels.gif
  • Mediacreations.gif
  • Sur-Meuse.gif
  • Tegro.gif
  • Akarton.gif
  • van_Heyster.gif