Facebook

Beeldend kunstenaer Fons Schobbers oet Venlo haet veur de kómmende vastelaovend ‘d’n Opstaeker™ 2019’ óntworpe. Veurzitter Roel Versleijen van Jocus vroog Schobbers um dit jaor oet naam van alle vief de stadsdeilvereiniginge d’n Opstaeker 2019 te óntwerpe. Zien óntwerp is ‘n ode aan de componiste en teksdichters.opstaeker 2019 300x300

“De meziek is de drager van de vastelaovend, ‘t verbindt ós. ’t Is heerlik um in de veurjaorszon veur ‘n kefee met bekinde en onbekinde same dees liedjes te zinge. Ik vond ‘t iervol, um dit jaor d’n Opstaeker te meuge óntwerpe.

Vastelaovend is ‘n fantastisch fiës det zich met name door ózze vastelaovesliedjes ónderscheidt van alle andere fiëste. ‘Jonk en ald’ zingk allemaol same’ en de liedjes waere van generatie op generatie doorgegaeve, geweldig moeëj.” aldus Schobbers, dae zelf lid waas van de ‘oeëts haos prinseclub’ en waal 35 kier met d’n optoch haet meigeloupe, dök as ‘faatse’ of met ‘ne kleine groep.

‘D’n Opstaeker™ is ‘n soort broche die steit veur ‘n dreejtal zake; ‘ne bliek van waardering veur de vuuele vreejwilligers die verschillende vastelaovesactiviteite organisere in de stadsdeile Venlo, Blierick, Tegele, Belvend en Aarse en Velde; ‘ne bliek van betrokkeheid met de vastelaovend en ‘ne financiële opstaeker veur alle vastelaovesvereiniginge in dees regio. De viëf stadsdeilvereniginge van de gemeinte Venlo haope dat de inwoeëners, net as verleje jaor, weer massaal dees vastelaovesbroche zulle koupe um zoeë de verschillende vastelaovesactiviteite van de diverse vereiniginge te óndersteune.

D’n Opstaeker™ 2019 zal op d’n Elfde van d’n Elfde waere geprissenteerd. Vanaaf daen datum is hae ouk te koup beej de verschillende vastelaovesvereiniginge en tiedes de verschillende vastelaovesactiviteite.

Tiedes de algemeine lejevergadering is d’n hier Gé Decker gekaoze as veurzitter van Vastelaovesgezelschap 'de Wortelepin'.Ge Decker

Gé Decker vult de vakature in, die tiedelik is waorgenaome door Maurice Holthuijsen, de huidige Vors Carotius. Gé Decker is al jaorelangk lid van de Wortelepin wao hae ondermier as lid en veurzitter van de Raod van Elf en binne de sponsorkemissie aktief is gewaes. Hae is ouk Adjudant en Prins gewaes.

As veurzitter geit Gé aan de slaag um ’t Wortelepinne schip ’n stevige koers te laote vare waormei de vereiniging toekómsbestendiger wuurt.

koup óg kaarte heej!

bestel greunKoup óg entreekaarte via dees website of koup kaarte beej Peters Cabooter op de Kloësterstraot. 

"Blierick trap aaf" is de nieje naam veur de Prónkzitting.

Op zaoterdaag 17 november 2018 zal in de Wortelekoel de ierste editie van "Blierick trap aaf" plaatsvinde
'n evenement det geej neet meug misse!'Abba Fever Original Promo Photos 2016 Low Res 3

’t Nieje spektakulaire evenement “Blierick trap aaf” det Vastelaovesgezelschap ‘de Wortelepin’ op 17 november organiseert kint ’n top programma. Naeve lokale artieste wie Coen Janssen en de Liedjes die op ’t Liedjesmatinee gewónne hebbe, zulle d’r toppers te zeen zien...

Abba Fever met Agnetha, Frida, en Bjorn en Benny die veur ‘n laevesechte seventiessfeer zörge

En Helene Fischer Tribute met fantastische liedjes, zoeas Atemloss en Immer Wieder.

csm Helene Fischer Double by Natascha 73c44034d8Netuurlik zal de Blierickse hofkepel meziek make, maar ouk de bekinde Roojse Hofkapel is van de partiej.

En daorbeej neme weej aafscheid van Prins Bart II en zien Adjudante Joep en Roel

Blierick trap aaf wuurt ’n geweldigen aovend! Dae meugs se neet misse!

Entreekaarte à € 15,-. zien vanaaf 17 september verkriegbaar.

Oh jao, neet vergaete “save the day”, 17 november 2018, daor mósse beej

Vastelaovesgezelschap ‘de Wortelepin’ kint de ónderscheiding Meister in de Orde van ’t Bliericks Hert toe aan d’n hier Paul Lenders.

Dezen ier kump Paul, ‘ne Blierickenaer in hert en nere, toe vanwaege zien groeëte maatschappelike, culturele en sociale betrokkeheid met Blierick en in ’t biezónder met de Vastelaovend..Foto Paul Lenders

Paul is ‘ne vereinigingsman dae iddere vereiniging zich wins, neet eine met golde hendjes maar ‘ne dinker en emes dae zörg det de organisatie good en gezónd blief dreie.

As veurzitter van voetbalvereiniging SVB, ein van de grutste sportvereiniginge binne de gemeinte is hae dök “op de velde” te vinde. Hae is zier betrokke, bereikbaar en aanspraekbaar veur idder SVB lid. Paul is altied aanwezig beej de wedstrijde van ’t ierste elftal.

Ouk haet Paul ’n Vastelaoveshert, hae kin zelfs gans opgaon in de Vastelaovestoemel

Lenders schrief en zingk al mier as 11 jaor Vastelaovesliedjes en hae bringk daomei dan ouk ’n stökske cultuur in de vorm van volksvermaak en dialek in de gemeinschap.

In november zal Paul nao 26 jaor lid van de Raod van Elf van Vastelaovesgezelschap ‘de Wortelepin’ te zien gewaes aafscheid neme van de Raod. In 2000 is Paul Adjudant gewaes.

Paul is lid van de stamtaofel café de Paerdskoel, dees stamtaofel is bekind um zien jaorliks Hieringfieës in juni. Heej wuurt geld ingezameld en gegaeve aan ’n aantal Blierickse vereiniginge.

De ónderscheiding is aan Paul Lenders oetgereik op ’t Liedjesmatinee det gehalde is op zóndaag 30 september 2018 in ’t Raodhoes in Blierick.

Tiedes de KinderFemilieZitting zien in de Wortelekoel in 't Raodhoes Prins Casey (Helmus) en Prinses Sjuulke (Stultiens) door Vors Carotius Juniorus Britt Achten oëtgerope as Jeugduo 2018 van Vastelaovesgezelschap 'de Wortelepin'.

duo 2016 600

Prinses Sjuulke zit in groep 7/8 van OBS De Harlekijn in Blierick beej juffrouw Sanne.
Prinses Sjuulke is 11 jaor ald en het voetbalt beej VCH in de D2.
As hobby kiek het gaer elke daag online naor vlogger Enzo Knol.
De Prinses aet gaer petatte met roeiekoel en braodwors.

Prins Casey zit in groep 7/8 op OBS De Harlekijn in Blierick en zien lieraressen heite juffrouw Annelies en juffrouw Celina.
Hae is 12 jaor en speult handbal beej HVB in de D1.
Als hobby zeukt Prins Casey boëte dökker met 'n metaaldetector naor alde munte.
En d'n hoëgheid aet gaer lasagna.

Eur motto is:

Leef Wortelepinne en Wortelepinkes,

Weej, groët en klein, Prins en Prinses
Viere dit jaor de Vastelaovend same met de jeug op zien bes

Balle met hand en voot,
Det kinne weej good

Confetti goëje vanaaf de wage,
Jao weej zien echte Vastelaovesblage

Veur ós wuurt deze Vastelaovend top,
want weej zette alles op de kop!!

Vastelaovend same!!

Prins Casey en Prinses Sjuulke

Golde Gaevers

  • Kaneman.gif
  • Akarton.gif
  • Berden_stijl_van_leven.gif
  • Enjob.gif
  • FMTyres.gif
  • KSC.gif
  • Vostermans.gif
  • energa.gif
  • Translog.gif
  • peters_cabooter.gif
  • petattewiel1.gif
  • Wijnen.gif
  • ASLB.gif
  • SchadeBlerick.gif
  • tandartsp_dooper.gif
  • Kiesmondzorg.gif
  • Lebe.gif
  • Burghouwt.gif
  • Rabobank.gif
  • WPG.gif
  • Imming.gif
  • Van Heyster Blerick.gif
  • Thijssen&Gubbels.gif
  • Zuidlease.gif
  • arton.gif
  • Fred_van_Wylick.gif
  • Wilms.gif
  • contour.gif
  • Keiren.gif
  • Teboza.gif
  • Geba_Trans.gif
  • Hovens-Collin.gif
  • AMI-Standaard.gif
  • Brentjes.gif
  • van_enckevort.gif
  • Logistic-Force.gif
  • NOTAS.gif
  • drukkerij_knoops.gif
  • de Jong.gif
  • Lindeboom.gif
  • Maashof.gif
  • Sijbers-Ed.gif
  • Plus_Benders.gif
  • Niejjork.gif
  • seacon.gif
  • JohnsHairshop.gif
  • CTV.gif
  • Hauzer&Partners.gif
  • aded.gif
  • Papermail.jpg
  • Libelnet.jpg
  • Poels_F&C.gif
  • scelta.gif
  • Raodhoes.gif
  • coenen.gif
  • VdBrandtStraten.gif
  • Steeghs.gif
  • sanders_en_grubben.gif
  • berghs_en_steenhuis.gif
  • schuivens.gif
  • Dynamic.gif
  • WTD.gif
  • cafe_de_paerdskoel.gif
  • Boostenhof.gif
  • Tegro.gif
  • Sur-Meuse.gif
  • Blierickse_Krant.gif
  • Collin.gif
  • luwi.gif
  • NOLEMON.gif