Marieke Verkoeijen & Chun Dong Janssen“Wat doon ik aan met de Vastelaovend” en Britt & Gwenn Grönefeld“De Bóksenbaomblues" zien de winnaars van ‘t JeugLiedjesKonkoer 2013!

Op 12 jannewarie 2013 is ós jaorlikse JeugLiedjesKonkoer gehalde in ‘t Raodhoes in Bliërick. Dit jaor veur ’t iers in ‘nne andere opzet. D’r is noow in 2 categorieën gestreje.

Ein categorie veur de Jónge Blage (basisschoël); de winnaars zien:  Britt & Gwenn Grönefeld met 't liedje "De Bóksenbaomblues".(meziek en teks: Bas Clabbers)

De andere categorie veur de Aldere Blage (veurtgezet ónderwiës) is gewónne door: Marieke Verkoeijen & Chun Dong Janssen met 't liedje “Wat doon ik aan met de Vastelaovend”. (meziek en teks: Reinhard Wind)

De Aanmoedingingspriës waas veur Britt Achten, Robin Verheijen, Sanne Vercoulen & Roxy Peulen met eur liedje “Allemaol” (foto ónder, meziek en teks: Paul Lenders en Ruud Bettinger).

Tiëdes ’t JeugLiedjesKonkoer 2013 hebbe ouk de Titus Brandsma schoël en de Springbeek schoël, eur inzending veur ’t Groët Venloos Vastelaovesevenement Vastelaovestoppers 2013 ten gehure gebrach. De finale heejvan wuurt gehalde op zaoterdaag 2 fibberwarie 2013 um 14.11 oor in de Venlonazaal in Venlo. Idderein is heej van herte welkóm.

Klik heej veur foto's van 't JeugLiedjesKonkoer 2013