De veerde editie van ’t Vastelaovesconcert in Bliërick is dit jaor georganiseerd door Vastelaovesgezelschap ‘de Wortelepin’ samen met de Blerickse Herten en de Hofkapel. Jongk en ald hebbe met volle teuge kinne genete van 'n spektakulair en verrassend programma det dit jaor ónder muzikale leiding steit van Reinhard Wind, de dirigent van de Blerickse Herten.
't Programma stond volop in 't teiken van Vastelaovend, met bekinde meizingers, maar ouk 'n aantal andere populaire werke waorónder Tarzan, Let’s have it en Michael Jackson, the king of pop, zien ten gehure gebrach. Netuurlik zien ouk de 4 winnende Bliërickse liedjes gezónge. De slaagwerkgroep van de Blerickse Herten ónder leiding van Mark Nefkes hebbe zich laote hure en 't concert is aafgeslaote met 'n spetterende finale door de All Star Band, gevormp door de Hofkapel, de Blerickse Herten en de zangers en zangeressen van de middaag.

De kersverse nieje Hoëgheid met zien Adjudante van Vastelaovesgezelschap 'de Wortelepin' hebbe zich beej deze gelaegeheid veursteld aan 't publiek.