Zóndaag 12 fibberwarie 2012  in ’T RAODHOES

Um 10.00 oor begint 'n H. Mis in de H. Antonius van Padua kerk, de "Prinsemis".

'n Biezóndere mis die opgeluusterd woort door Hermenie St. Caecilia en ein van de geweldige koëre die Bliërick riek is.

Nao deze mis volg de intoch naor ós ‘Wortelekoel’ alwaor de receptie van ózze Hoegheid en zien Adjudante wuurt gehalde.

Idderein krieg de gelaegeheid um ós Trio te felicitere. 't wuurt drök en 't is gezellig.

Tössedoor traeje ós zangers en zangeresse op en netuurlik wuurt deze middaag muzikaal begeleid door ós Hofkepel.