Elf van elf, inschete van de vastelaovend beej ‘de Wortelepin’ in Bliërick

‘Weej zette de bleumkes boëte!’, ónder dit motto is ’t nieje vastelaovesseizoen op d’n elfde van d’n elfde in Bliërick van start gegaon. Bliëricks Vastelaovesgezelschap ‘de Wortelepin’ haet in samewerking met Stamtaofel ‘de Waerbörstels’ elf scheut met ’t kenon van ‘de Waerbörstels’ gelos.

Prins Michael I en zien adjudante Twan en Erik en tiën andere minse waorónder scheidend Vors Carotius VI, dhr. Marcel Schuurmans hebbe ’n schot losse. Naodet de elf scheut ‘t vastelaovesseizoen officieel geäöpend waas, ging ‘t programma vaerder in Kefee 'Sur Meuse'.

Sur Meuse waas veur dit evenement oëtgebreid met ‘n tent. D’r ware optraejes van joekskepele en van de vier winnende liedjes. De nieje CD van ‘de Wortelepin’ en de nieje Opstaeker™ 2011 zien vanaaf noow te koup. Ouk zien de CD en Opstaeker™ 2012 vanaaf noow op de bekinde verkoupadresse te verkriege. Klik veur verkoupadressen heej…