Noow verkriegbaar in de App Store!

'n Veur Venlo unieke applicatie (app), geneump "Vastelaovend", is gratis verkriegbaar in de app store van Apple en beschikbaar veur idderein met 'n iDevice (iPod Touch, iPhone, en iPad).

Naor de App Store, klik heej.

Op initiatief van jeugvastelaovesvereiniginge Jocus Toekóms en de Herfshane en met meiwerking van 'n groët aantal vastelaovesgezelschappe, is 'n interactieve app ontworpe.

Middels dit initiatief wuurt 'n doelgroep aangespraoke dae opgreujd met Twitter, Hyves, Facebook Linkedin, de zoëgeneumde "sociale media". Um via de sociale media de vastelaovend onder de aandach te bringe is 'n app (programma) ontwikkeld veur de meis populaire smartphone: de Iphone van Apple. Dees app is euveriges ouk te downloade veur andere Apple produkte wie de iPad en Ipod Touch.

Um d'rveur te zörge det d'r 'n zoë groët meugelijk draagvlak ontsteit veur dees app is de samewerking gezóch mut alle vastelaovesgezelschappe binne de gemeinte Venlo. Deilnemende vastelaovesgezelschappen zien; Jocus Toekóms, Herfshane, Jocus,  De Vaegers,  De Vogelhut, De Törvers, De Wortelepin, Boerebroelofgezelschap De Zorggroep, De Wuilus, De Kwas, Boëte de Paort en De Moeraskwaakers.

In de app staon alle aktiviteite van de deilnemende vastelaovesgezelschappe in 'n euverzichtelijke kalender en in chronologische volgorde veur 't kómmende vastelaoves seizoen.

Verder is 't met deze gratis app meugelik um 'n persuuënlikke planning te make van de aktiviteite die geej wilt bezeuke. Ouk kint geej twitterberichte laeze van de gezelschappe, um zoë op de huuëgte te blieve van de letste ontwikkelinge en niejsfeite. Foto’s en video’s kinne bekeke en geupload waere en d'r is euver idder gezelschap informatie te laeze.