Op 10 mei 1976 is d'n hier Marlon van Thulden is gebaore, deze man is noow 35 jaor en hae is getrouwd met Nanja Dambacher. Marlon en Nanja hebbe 2 kinder, Chloe en Quinn. Ze woëne in Bliërick.

Marlon is installatie- /service monteur beej Peuten Installatiebedrief BV; det hae technisch is kump veur ’t Vastelaoveslaeve waoraan Marlon verknocht is, good van pas!

Hobby’s

•     Veurhaer lid van de Organisatie-, Technische- en Optoch Kemissie van VG 'de Wortelepin'
•     Lid van Vastelaovesgroep Neet Näöle
•     Lid van SVB
•     Lid van Zaalvoetbalvereiniging Egerbos
•     Voetballe dus
•     Tuiniere
•     Knómmele (technisch bezig zien)

Marlon is werkzaam beej Peuten, waor zeej vuuël samewerke met fa. Janssen de Jong en wuuninge make veur Woonwenz.
Heej geit hae gebuk ónder de naam “d’n Huijer” umdet ’t um noëts snel genóg geit en hae zich zelde d’n tiëd neemp veur ’n tas kóffie.

In ziene vreje tiëd wuurt hae ouk dök gevraog veur klusjes.
Zien vrinde weite um blind te vinde as d'r weer wat kèpot is in hoës, dan wuurt Marlon opgerope; “dae mak det waal”, wuurt d’r dan gezag. Dit alles resulteert in ’t feit det hae weinig thoës te vinde is.

Vastelaovesgroep “Neet Näöle” kin zich riek raekene met deze technische wondermins. Zeej bouwe idder jaor ’nne groëte wage met vuuël bewaegende ónderdeile, Adjudant Marlon is ’t brein achter deze techniek, maar daornaeve is hae ouk ’n meister in ’t óntwerpe en “sjeepe” van figure. Ouk de Prinsewage, waorop hae dit jaor met d’n Groëten Optoch geit en de Jeugprinsewage van Vastelaovesgezelschap 'de Wortelepin' zien meide door Marlon vormgegaeve.
 

D'n Hoëgheid en Adjudant Marlon kinne zich van ós aller SVB en hebbe ouk vuuël met mekaar van doon umwille van Neet Näöle, waorvan Prins Jan sponsor  en degene is waor weej vergadere. Kwats en jen make is eur allebei neet vraemp. “Dit is  ouk de raeje,” dink Adjudant Marlon, “det weej ós altiëd zoë good gelaege hebbe.”

Naor:

Prins Jan IV

Adjudant Henny

Proklamatie