Weej, Prins Eric II
- Markies van Jung van schoeënmaak raeje toet spiere knaeje.
- PedaalChevalier van de Alpe wies d’n Amstel Gold.
- Beron van mièmere in de morge wies zinge in de nach.
- Lord Keukenette van de pan toet op 't bord.
- Beschermhier van de (Adelikke) Boeben van noow wies noch ens 4x11 jaor.
- Groëthertog van de Koel wies 't nieje Kazernekwarteer.
- Magiër van Pleister wies 't heilzame iès.
- Graaf van de Maas toet aan de Wasstraot.
- Gouverneur van de Alde Wielerbaan.
- Markies van Jung van Riet van Hitzacker
.jpg)
Ziene adjudant Roger
- Markies van Jung van Riet van Hitzacker
- Beschermhier van Boètezittinge en andere evenemente.
- Chevalier in de orde van Noëijts beejein.
- Schatkisthalder van de (Adelikke) Hitzacker Boeben.
- Iërste Bliërickse Officier in de Oësterse kunste.
- Raodshiër van groët Stadhalder wies de Bengels.
Ziene adjudant Ruud
- Markies van Jung van Riet van Hitzacker
- Hertog van groët Bliërickse Holtgrónde
- Liermeister van Bloom wies Boeket.
- Admiraal van Bliërick wies Kaapstad.
- Groët Schoefelmeister van veur in d’n tuin wies achter in d’n Haof.
- Beron van pedaal toet loupschoon.
Gaeve beej de gratie van Vors Carotius VI, ziene Sirremoniemeister en ziene wiëze Raod van Elf, as 62ste Prins euver ’t Wortelepinneriëk same te verstaon en verordenere:
- det names ós de vlag nog steeds oëtgeit veur ós veurgangers Prins Gilbert 1 met zien Adjudante Bas en Sander.
- weej as trio dit jaor wille benaodrökke det 4 x 11 jaor Hitzacker zaeker mót gaon lökke.
- det Waerbörstels, Hitzackers en Sjenge same naor de Vastelaovend gaon en als Hiëre aan ein groëte taofel meuge staon.
- weej de kaokkuns van ós vader Knorr hebbe ge-orve en zoë 'nne status beej ós vrouw in de keuke hebbe verworve.
- det óndanks weej waat lingte maete, weej de blaage in de Wortelekoel neet zulle vergaete
- weej op Vastelaoveszóndaag van de wage zulle zinge en alle Bliërickse maedjes 'n Valentijnsbleumke zulle bringe.
- weej ónder de schoën noeëte van ós Hofkapel de zaal zulle umerme en alle minse zulle verwerme.
- maar det weej nog efkes mótte vertelle, det ós Hofkapel 't zónder eur Jonkvrouw mót stelle.
- det ós Vader en Mooder van baove nao ónder zweije, as ós vaere in de Bliërickse wind weije.
- det op Vastelaovesmaondaag 't Raodhoes op de kop steit, zoëdet de wind spontaan van Venlo naor Bliërick dreijt.
- weej tot slot vinde, Vastelaovend is 'n fiës veur gezin, familie en vrinde.
Motto:
Same in Bliërick, wie noëijts te veure
Binne en Boëte geit ’t gebeure
Maak vuuël plezeer, bin lekker vreej
Vier Vastelaovend, Zoë doon weej det heej !!
