Zóndaag 7 fibberwarie 2010 zien we gestart met 'n H. Mis in de H. Antonius van Padua kerk, "de Prinsemis".

'n Biezóndere mis die opgeluusterd is door Hermenie St. Caecilea en ein van ós bekinde ‘Bliërickse Koere’.

Nao deze mis haet de intoch naor ós ‘Wortelekoel’ plaatsgevonde waor de receptie van ózze Hoegheid en zien Adjudante is gehalde.

Idderein haet de gelaegeheid gehadum ós Trio te felicitere. 't waas bomvol maar gezellig.

Tössedoor traoje ós zangers en zangeresse op en netuurlik woort deze middaag muzikaal begeleid door ós geweldige Hofkepel.