‘D’n Opstaeker TM 2010’ ’n óntwerp van Gerda van der Sterren
De Bliërickse kunstenares Gerda van der Sterren haet veur de kómmende Vastelaovend ‘d’n Opstaeker TM 2010’ óntworpe. Oët ’n aantal ideje hebbe de Wortelepin, Jocus, d’n Oeles en de Belhamels ’t oëtintelike óntwerp gekaoze. ’t Is ’n brök met 5 belónne. De letste belón stelt de gemeinte Arcen en Velden veur met de dörpskern Lomm die richting Venlo kómme.
| D’n Opstaeker TM is ’n saort broche dae steit veur ’n dreejtal zake: ’n bliek van waardering veur de vuuële vreejwilligers die allerlei Vastelaovesactiviteite organisere in Bliërick, Venlo, Tegele en Belfeld; ’n bliek van betrokkeheid beej de Vastelaovend en ’nne financiële opstaeker voor de Vastelaovesvereniginge. De veer stadsdeilvereiniginge van de gemeinte Venlo haope det de inwoëners, net as veurgaonde jaore, weer massaal dees Vastelaovesbroche zulle koupe um daomei de Vastelaovesactiviteite van dees vereiniginge te óndersteune. Priësinformatie vindt geej in ózze catalogus |
Opstaeker TM 2010
|
Gerda van der Sterren druuëg de Vastelaovend ’n werm hert toe. ’t Is ’n uting van creativiteit op allerlei gebied’. De Bliërickse aquarelliste, die jaorelang veur de klas haet gestaon, is min of miër autodidact. “Ik heb altiëd geschilderd en netuurlik heb ik verschillende cursusse gehad. As ik ’n opdracht kriëg, laef ik mich in ’n bepaolde situatie hiëlemaol in”. De Bliërickse kunstenares schildert zoëwaal abstract as netuurgetrouw.
Heejónder vindt geej de Opstaekers oët veurgaonde jaore:
|
Opstaeker TM 2009 |
Opstaeker TM 2008 |
Opstaeker TM 2007 |
|
Opstaeker TM 2006 |
Opstaeker TM 2005 |
