Prins Eric II is bekind as d’n hiër Eric Knorr.
Eric is 39 jaor gelaeje gebaore, op 6 oktoëber 1970, aan de Pastoer Goossensstraot 44
te Bliërick. Hae is getrouwd met Marianne Jansen en vader van dochter Amy det 3,5 jaor ald is en van zeunke Glenn van 10 maond.
Ouk hebbe zeej ‘nne hónd (Gordon Setter) welke de naam ‘Jolly’ druuëg.
In ‘t dageliks laeve is Prins Eric II werkzaam as Accountmanager Zuid-Oës Nederland beej Alpheios BV, ein van de groëtste bedrieve op ‘t gebied van professionele schoënmaak systeme en adviesering.
Netuurlik speult Eric gaer same met zien kinder.
In ziene vreje tiëd duit Eric aan wielrenne. Det duit hae same met zien breurs, de Adjudante Roger en Ruud; met eur geit hae ouk regelmaotig naor de ‘Tour de France’ kiëke en in de winter gaon zeej d’r met d’n mountainbike op oët.
Eric haet 31 jaor aktief gevoetbald (tot 2007) beej ondermier SVB, VCH, Quick Boys en Venlosche Boys.
Prins Eric II is sportmasseur beej de jeugaafdeiling van VVV-Venlo.
Vaerder vindt hae ’t leuk um ziene tuin te ónderhalde, hae duit aan Fitness, kaok gaer en is lid van de 44-jäörige Vastelaovesklup “De Hitzacker Boeben”.
Sinds dit seizoen is Prins Eric II lid van de “Raod van Elf” van ’t Bliëricks Vastelaovesgezelschap ‘de Wortelepin’.
