Beste Vastelaovesvierders,

't Hoësorgaan van Vastelaovesgezelschap 'de Wortelepin' is klaor en det is dezen aovend geprissenteerd. Geej vindt in deze kleurrieke Gaejer vuuël foto’s waorónder de foto’s van ’t Swaree van aafgeloupe zaoterdaag. Vaerder staon d’r in de Gaejer leuke verhaole en netuurlik informatie euver ós aktiviteite. Ouk kint geej iets euver ós Hoëglöstig Trio laeze. Wae zeej zien en wat eur hobbies zien. Dit is ’n blaad det ‘nne Bliërickse Vastelaovesleefhebber neet kin misse. De primeur is ózze Prins ten beurt gevalle, maar vanaaf noow kint geej de Gaejer koupe. Dezen aovend is gezellig en intiem.